Please use this identifier to cite or link to this item:
http://saruna.mnu.edu.mv/jspui/handle/123456789/486
| Title: | މަސައްކަތުގެ މާހައުލުން ލިބޭ ބަހުގެގޯނާތަކުގެ ސަބަބުން ދޭސީ މުދަރިސުންނަށް ކުރާ އަސަރު |
| Other Titles: | Masahakathuge maahaulunn libey bahugegoanaathakuge sababbun dheyshee mudharisunnnah kuraa asaru |
| Authors: | Azraa, Aishath
އައިޝަތު އަޒްރާ |
| Keywords: | Dhivehi Language
ބަހުގެ ގޯނާ
ދޭސީ ޓިޗަރުން
ދިވެހި މުޖުތަމައުގައި ބަހުގެ ހަމަލަތައް
ބަހުގެ ގޯނާތަކުން ކުރާ އަސަރު ކުޑަކުރުން |
| Issue Date: | 1-Nov-2015 |
| Publisher: | Faculty of Arts, Maldives National University |
| Citation: | Azraa, Z. (2015). Masahakathuge maahaulunn libey bahugegoanaathakuge sababbun dheyshee mudharisunnnah kuraa asaru. Maldives National University. |
| Abstract: | މި ދިރާސާއަކީ މަސައްކަތުގެ މާހައުލުގައި ލިބޭ ބަހުގެ ގޯނާ ތަކުގެ ސަބަބުން ދޭސީ ޓިޗަރުންނަށް ކުރާ އަސަރު ހޯދުމަށް ހެދިފައިވާ ދިރާސާއެކެވެ. އެހެނީ ދިވެހި މުޖުތަމައުގައި ބަހުގެ ހަމަލަތަކަކީ މިހާރު އާއްމުކަމަކަށް ވެއްޖެއެވެ. މިޢި ފެންނަން ހުންނަ ސާބިތުކުރެވޭ މައްސަލައެއްނޫނެވެ. މިފަދަ ބަހުގެގޯނާތައް ރައްދުވާ ބައެއްގެގޮތުގައި ސްކީލްތަކުގައި މަސައްކަތްކުރާ މަދަރިސުންވެސް ހިމެނެއެވެ. އެހެނީ އެބައިމީހުން ވެސް މަސައްކަތުގެ މާހައުލުގައި ދަރިވަރުންނާ ބެލެނިވެރިންނާ އިސް ވެރިންނާއި އެކުގައި މަސައްކަތްކުރާ ފަރާތްތަކާ މުއާމަލާތު ކުރެއެވެ. މިއީ މި މުއާމަލާތްތަކުގެ ތެރެއިން އުފެދޭ މައްސަލައެކެވެ. އަދި މިއީ މި ދިވެހި މުޖުތަމައުގައި އަޅާނުލާ ދޫކޮށްލެވިފައިވާ މައްސަލައެކެވެ.
މި ދިރާސާ އަކީ ދިވެހިރާއްޖޭގެ ސަރުކާރުގެ އެއް ސުކޫލަކަށް އަމާޒުކޮށްގެން ކޭސް ސްޓަރޑީއެއްގެ ގޮތުގައި މުދަރިސުންނަށް ކުރިމަތިވާ ބަހުގެގޯނާތަކާއި އޭގެ އަސަރު ހިދުމަށް ހެދިފައިވާ ދިރާސާއެކެވެ. މި ދިރާސާއަށް ޑޭޓާ އެއްކުރުމަށް ބޭނުންކުރެވުނީ ސްޓްރަކްޗަރޑް ސާރވޭފޯމަކާއި، ސެމީ ސްޓްރަކްޗަރޑް އިންޓަރވިއު ކަރުދާހެވެ. މިގޮތުން މި ދިރާސާގެ ބައިވެރިންގެ ގޮތުގައި ހިމަނާފައުވަނީ ދިރާސާ ގެ ކޭސް ސުކޫލް ގެ 55 ޓިޗަރުން ނެވެ. އެގޮތުން ސާމްޕަލް ނެގީ މުޅި ޓާގެޓް ޕޮޕިއުލޭޝަން އެއްކޮށް ހިމެނޭގޮތަށެވެ. އެއީ ސުކޫލްގެ ހުރިހާ ދޭސީ ޓިޗަރުން ހިމަނައިގެންނެވެ. އޭގެތެރެއިން ސާރވޭދައި ބައިވެރިވީ 50 ޓީޗަރުންނެވެ. އަދި އިންޓަރވިއުގައި ބައިވެރިވީ 5 ޓިޗަރުންނެވެ.
އިންޓަރވިއުތަކުން ލިބުނު ނަތީޖާ ސާފުކުރީ ޓްރާންސްކޮރައިބްކޮށް ކޯޑްކޮށްގެންނެވެ. އަދި ސާރވޭގެ ނަތީޖާ ސާފުކުރީ އެކްސެލް ޝީޓގައި ޗާޓްހަދައިގެންނެވެ. އެގޮތުން މި ދިރާސާގެ ނަތީޖާ އިން ހާމަވަނީ މުދަރިސުންނަށް ހުތުރުނަން ނަމުން މުޙާތަބުކުރުމާ، އިންޒާރުދިނުމާ، ބޭ އަދަބީ ބަސްތަކުން ބަހުގެ ގޯނާތައް ރައްދުވެފައި ވާކަމެވެ. ހަމައެއާއެކު މި ގޯނާތައް ދަރިވަރުން، ބެލެނިވެރިން، އެކުގައި މަސައްކަތްކުރާ މުވައްޒަފުން އަދި އިސްވެރިންގެ ފަރާތުން ލިބިފައި ވެއެވެ. ހަމައެހެންމެ މި ގޯނާތައް ރައްދުވެފައިވަނީ ހޭލުންތެރިކަން ކުޑަވުމާއި، ޒާތީ ހަސަދަ އާއި، އެކަކަށް ލިބޭ ކުރިއެރުން ބަލައިނުގަތުމާއި އިހްތިރާމް ކުޑަވުމުން ކަން ފާހަގަކުރެވުނެވެ. މަސައްކަތުގެ މާހައުލުން މުދަރިސުންނަށް ލިބިފައިވާ ބަހުގެ ގޯނާތަކުގެ ސަބަބުން ފާހަގަކޮށްލެވޭ ގޮތެއްގައި ކޮށްފައިވާ އަސަރަކީ ދެރަވުމެވެ. އަދި މި ގޯނާތަކުން ސަލާމަތްވުމަށް ނުވަތަ މި ގޯނާތަކުން ކުރާ އަސަރު ކުޑަކުރުމަށް ބަހުގެ ގޯނާތައް ކަމާބެހޭ ފަރާތައް އެންގުމާ، ހިއްސާ ކުރުމާއި އެ ގޯނާތަކާމެދު މަޝްވަރާކުރުމަކީ ކުރެވިދާނެ ކަންކަން ކަމުގައި ފާހަގަކުރެވުނެވެ. |
| URI: | http://1saruna.mnu.edu.mv/jspui/handle/123456789/486 |
| Appears in Collections: | އެމް. އެން. ޔޫގެ ދަސްވެނީންގެ ޑިޒަރޓޭޝަންތައް
MNU Dissertations
|
Items in Saruna are protected by copyright, with all rights reserved, unless otherwise indicated.
