Abstract:
މި ދިރާސާއަކީ މެއިޑުން ގެންގުޅޭ މީހުންގެކުދީންނާ މެއިޑުން ނުގެންގުޅޭ މީހުންގެ ކުދިންގެ ބަސްތަރައްޤީވެފައި ހުރި މިންވަރުގައި ތަފާތެއް ވޭތޯ ބެލުމަށް ކުރެވުނު ދިރާސާއެކެވެ. މި ދިރާސާއިން ލިބުނު މަޢުލޫމާތުގެ އަލީގައި ފާހަގަ ކުރެވުނު އެންމެ މުހިއްމު އެއްކަމަކީ މެއިޑުން ގެންގުޅޭ މީހުންގެ ކުދިން އެ އުމުރުގެ އެހެން ކުދިންނާ އަޅާބަލާއިރު ބަސްތަރައްޤީވާންޖެހޭ މިންވަރަށް ބަސް ތަރއްގީ ނުވާ ކަމެވެ. އެއީ ޖުމުލަތައް ބުނާއިރުވެސް 2 ލަފުޒު ނޫނީ ތިން ލަފުޒުގެ ޖުމުލަ ބޭނުންކޮށްގެން ޖުމުލަ ބުނަންނޭގޭކަން ހާމަވެގެންދިޔައެވެ. އަދި ވާހަކަ ދައްކާއިރު ބަހުގެ ގަވާއިދާ ޚިލާފުވާހަކަ ދައްކާކަން ފަހަގަ ކުރެވުނެވެ. މި ގޮތުން އެ ކުދީންނާއެކު އުޅޭ މެއިޑް މީހާ ދިވެހި ބަސް ބޭނުން ކުރާ ގޮތަށް ބޭނުން ކުރާކަންފާހަގަ ކުރެވުނެވެ.
މިދިރާސާއިން ފާހަގަ ކުރެވުނު އަނެއްކަމަކީ ބެލެނިވެރިންނާ ކުދީން ގާތުގައި އުޅޭ މީހުން ބަސް ބޭނުން ކުރާގޮތުން ނުނީ އެހެން ބަހަކުން ވާހަކަ ދެއްކުމުގެ ސަބަބުންވެސް އެ ކުދިންގެ ބަސް ތަރައްޤީވުމަށް ހުރަސްއެޅިގެން ދާ ކަމެވެ.