Abstract:
ކުދި އާބާދީތަކުގައި، މާދަރީބަހުގެ ގޮތުގައި ބޭނުންކުރަމުން އަންނަ ވަރަށް ގިނަ ބަސްތަކަކަށް ދިމާވެފައިވާ އެންމެ ބޮޑު އެއް ގޮންޖެހުމަކީ އެތަންތަނުގެ ކިޔަވާ ކުދިން އެމީހުންގެ މާދަރީބަހަަށް ސައުޤުވެރި ނުވުމުގެ މައްސަލައެވެ. މި މައްސަލައަށް ހައްލެއް ނުލިބި އިތުރަށް ގޯސްވެގެންދަނީ ކިޔަވާ ކުދިން މާދަރީބަހަށް ޝައުގުވެރިކުރުވުމުގައި ޓީޗަރުންނަށް ދިމާވަމުންދާ ތަފާތު ގޮންޖެހުންތަކުގެ ސަބަބުންންެވެ. މިއީ މިޔަދު ދިވެހި މާހައުލުންވެސް ފެންނަމުންދާ، ސަމާލުކަން ދޭން ޖެހިފައިވާ މައްސަލައެކެވެ. އެެހެންކަމުން މިއިީ ދިވެހިބަހަށް ދަރިވަރުން ސަޢުޤުވެރިކުރުމަށް މުދަރިސުންނަށް ދިމާވެފައިވާ ގޮނަޖެހުންތައް ދެނެގަތުމަށްޓަކަިއި ކުރެވިފައިވާ ދިރާސާއެކެވެ. މި ދިރާސާ ހެދިފައިވަނީ ކުއަންޓިޓޭޓިވް އެޕްރޯޗްގެ ދަށުން ޑިސްކްރިޕްޓިވް ޑިޒައިން ބޭނުން ކޮށްގެންނެވެ. ސާމްޕަލްގެ ގޮތުގައި ބޭނުންކޮށްފައިވަނީ ލ.އަތޮޅުގެ ސުކޫލްތަކުގެ މުދަރިސުންނާއި ބެލެނިވެރިންނެވެ. އެގޮތުން ލ. އަތޮޅުގެ ހުރިހާ ސުކޫލްތަކެއްގައި ދިވެހިބަސް ކިޔަވައިދިނުމުގެ މަސައްކަތް ކުރައްވާ ހުރިހާ މުދައްރިސުން މި ދިރާސާގައި ބައިވެރިކޮށްފައިވާނެއެވެ. އަދި މި ސުކޫލްތަކުގެ ބެލެނިވެރިންގެ ތެރެއިން ރެންޑަމްކޮށް ހޮވާލެވުނު ބެލެނިވެރިން ތަކެއްވެސް މި ދިރާސާގައި ބައިވެރިކޮށްފައިވާނެއެވެ. މި ދިރާސާއަށް ސާމްޕަލް އެއްކޮށްފައިވަނީ ސާވޭ ފޯމްތަކެއް ބޭނުންކޮށްގެންނެވެ. އަދި ސާވޭ ފޯމްތަކުން ލިބުނު ޑޭޓާތައް އެނަލައިޒްކޮށްފައިވާނީ އެކްސެލް ސްޕްރެޑް ޝީޓަކަށް އަޅައިގެން ހޫލަތަކެއްގެ އެހީގައެވެ. ލ. އަތޮޅުގެ ސުކޫލްތަކުގެ ދަރިވަރުން ދިވެހިބަހަށް ޝައުޤުވެރި ކުރުވުމުގައި މުދަރިސުންނަށް ދިމާވެފައިވާ އެންމެހައި ދަތިތަކާއި ގޮންޖެހުންތައް މި ދިރާސާއިން ވަރަށް ރަނގަޅަށް އެނގުނެވެ. އަދި މި ދިރާސާގެ ސާމްޕަލްގެ ގޮތުގައި ގިނަ އަދަދެއްގެ މުދައްރިސުންނާއި ބެލެނިވެރިން ބައިވެރިކޮށްފައިވާތީ މި ދިރާސާއިން ފެނުނު ނަތިޖާއަކީ މުޅި ރާއްޖެއަށް ޖެނެރަލައިޒް ކުރެވޭފަދަ ނަތީޖާއެއްކަމަށް ޤަބޫލްކުރެވެއެވެ.
