މާލޭގައި، ޡާނަވީ އަދި މަތީޡާނަވީ ގުރޭޑްތަކުގައި ދިވެހިބަސް ކިޔަވައިދެއްވާ މުދައްރިސުންނަށް ދިވެހި ބަހުގެ އެކަށައަޅާފައިވާ ޤަވާޢިދު އެނގެނީ ކިހައި މިންވަރަކަށް ހެއްޔެވެ؟
Loading...
Date
2011-11-01
Authors
Journal Title
Journal ISSN
Volume Title
Publisher
Faculty of Arts, Maldives College of Higher Education
ފެކަލްޓީ އޮފް އާޓްސް، މޯލްޑިވްސް ކޮލެޖް އޮފް ހަޔަރ އެޑިޔުކޭޝަން
ފެކަލްޓީ އޮފް އާޓްސް، މޯލްޑިވްސް ކޮލެޖް އޮފް ހަޔަރ އެޑިޔުކޭޝަން
Abstract
މި ދިރާސާއަކީ ދިވެހި ކިޔަވައިދެއްވާ މުދައްރިސުންނަށް ދިވެހިބަހުގެ އެކަށައަޅާފައިވާ ޤަވަޢިދު ރަނގަޅަށް ނޭނގޭކަމަށް ދެކެވޭ ވާހަކައިގެ ޙަޤީޤަތް ބެލުމަށްޓަކައި ކުރެވުނު ދިރާސާއެކެވެ. އެހެންނަމަވެސް، ދިރާސާކުރަން ލިބުނު ވަގުތާއި، ލަފުޒުގެ ޙުދޫދުގެ ސަބަބުން، ދިރާސާގެ ސުވާލު ހަމައެކަނި މާލޭގައި، ޡާނަވީ އަދި މަތީޡާނަވީ ގުރޭޑުތަކުގައި ދިވެހިބަސް ކިޔަވައިދެއްވާ މުދައްރިސުންނަށް ހަނިކޮށް، ދިވެހިބަހުގެ އެކަށައަޅާފައިވާ ޤަވާޢިދުގެ ތެރެއިން، އާބާފިއްޔާއި އައިބައިފިލި، ނަފީކުރެވޭ އުޞޫލުތައް، ތިކިޖެހިތާން، ހުސްނޫނު، ވާހަކަދެއްކުމުގެ ދަރަޖަތައް، ސުކުންކުރެވޭ ހަމަތައް، ހުރުން-އިނުން-އޮތުން އަދި ފުޅު-ކޮޅުގެ ހަމަތައް ބަލާގޮތަށް ހަމަގެއްސީމެވެ. މިއީ، އެންމެ އާންމުކޮށް އޮޅުން އަރާ ބައިތަށްކަމަށް ދިވެހި ބަސްވާރުން އެއްބަސްވެލައްވާފައިވާ ބައިތައް ކަމަށްވާތީ އެވެ.
މިއީ، މުދައްރިސުންނަށް ޤަވާޢިދުތައް އެނގޭ މިންވަރު ބެލުމުގެ ގޮތުން ހަދާފައިވާ ދިރާސާއެއްކަމަށްވާތީ، މި ދިރާސާގައި ބޭނުންކުރީ ކުއަންޓިޓޭޓިވް ޕެރަޑައިމް އެވެ. ސާމްޕަލް ނަގާފައިވަނީ މާލޭގައި ހުރި ޖުމްލަ 17 ސުކޫލުގެ ތެރެއިން އާބާދީ ބޮޑު ސުކޫލުތަކަށް ބޮޑު ޕުރޮޕޯޝަނެއްދީގެން ރޭންޑަމް އުޞޫލަކުންނެވެ. އެގޮތުން، މި ދިރާސާގައި ބައިވެރިކުރެވުނު މުދައްރިސުންނަށް އިޙްތިޔާރީ ސުވާލުކަރުދާހެއް ދީގެންނާއި، ބައެއް ގަޑިތައް އޮބްޒާވްކޮށްގެން ޑާޓާ އެއްކުރީމެވެ.
މި ދިރާސާގެ ހޯދުންތަކުން ދެއްކީ ދިރާސާކުރުމަށް އިޙްތިޔާރުކުރި ހައިޕޮތެސިސް ސާބިތުނުވާކަމެވެ. އެހެނީ، މި ދިރާސާގައި ބައިވެރިވި މުދައްރިސުންގެ ތެރޭގައި، މި ދިރާސާގައި ބަލައިލެވުނު ޤަވާޢިދުގެ ބައިތައް އެއްގޮތަކަށްވެސް ނޭނގޭ މުދައްރިސެއްނެތްއިރު، 73 އިންސައްތަ މުދައްރިސުންނަކީ އެބައިތަކުން ދެބައިކުޅަ އެއްބަޔަށްވުރެ ގިނަ ސުވާލަށް ރަނގަޅު ޖަވާބުދީފައިވާ މުދައްރިސުންނެވެ. އަދި 20 އިންސައްތަ މުދައްރިސުންނަކީ ޤަވާޢިދުތައް ވަރަށް ރަނގަޅަށް އެނގޭ މުދައްރިސުންނެވެ. ޤަވާޢިދުތަޢް ކުޑަމިންވަރަކަށް އެނގުނީ 7 އިންސައްތަ މުދައްރިސުންނަށެވެ. އެހެންކަމުން މިދިރާސާގެ ހޯދުންތަކުން ދައްކަނީ ދިރާސާގައި ބައިވެރިވި ދިވެހި ކިޔަވައިދެއްވާ ގިނަ މުދައްރިސުންނަށް ދިވެހިބަހުގެ އެކަށައަޅާފައިވާ ޤަވަޢިދު ފުދޭވަރަކަށް އެނގޭކަމެވެ.
Description
Keywords
ކިޔަވައިދެއްވާ މުދައްރިސުން, ދިވެހިބަހުގެ އެކަށައަޅާފައިވާ ޤަވަޢިދު, މުދައްރިސުންނަށް ޤަވާޢިދުތައް އެނގޭ މިންވަރު ބެލުން, ދިވެހިބަސް, ދިވެހިބަހުގެ ޤަވާއިދު, ޤަވާއިދު
Citation
Shareef, M. (2011). Maaleygai saanavee adhi mathee saanavee gureyduthakugai dhivehibas kiyavaidhehvaa mudhahrisunnah Dhivehi bahuge ekashaalhaafaivaa gavaaidhu engenee kihaa minvarakah hehyeve?. Male', Maldives College of Higher Education.
މޫސާ ޝަރީފު. (2011). މާލޭގައި، ޡާނަވީ އަދި މަތީޡާނަވީ ގުރޭޑްތަކުގައި ދިވެހިބަސް ކިޔަވައިދެއްވާ މުދައްރިސުންނަށް ދިވެހި ބަހުގެ އެކަށައަޅާފައިވާ ޤަވާޢިދު އެނގެނީ ކިހައި މިންވަރަކަށް ހެއްޔެވެ؟ . މާލެ، ދިވެހިރާއްޖޭގެ ޤައުމީ ޔުނިވަރސިޓީ.
މޫސާ ޝަރީފު. (2011). މާލޭގައި، ޡާނަވީ އަދި މަތީޡާނަވީ ގުރޭޑްތަކުގައި ދިވެހިބަސް ކިޔަވައިދެއްވާ މުދައްރިސުންނަށް ދިވެހި ބަހުގެ އެކަށައަޅާފައިވާ ޤަވާޢިދު އެނގެނީ ކިހައި މިންވަރަކަށް ހެއްޔެވެ؟ . މާލެ، ދިވެހިރާއްޖޭގެ ޤައުމީ ޔުނިވަރސިޓީ.