Thesis & Dissertations - ތީސީސް އަދި ޑެޒަޓޭޝަން
Browse
2 results
Search Results
Item މާލޭގެ ސާނަވީ މަދަރުސާތަކުގެ ގްރޭޑް 9 ގެ ދަރިވަރުންނަށް ދިވެހި ބަހުގެ ވާހަކަދެއްކުމުގެ ދަރަޖަތައް އެނގޭ މިންވަރު.(Faculty of Arts, Maldives College of Higher Education, 2011-11-01) Shareef, Ali; ޢަލީ ޝަރީފްމި ދިރާސާއަކީ، މާލޭގެ ސާނަވީ މަދަރުސާތަކުގެ ގްރޭޑް 9 ގެ ދަރިވަރުންނަށް ދިވެހި ބަހުގެ ވާހަކަދެއްކުމުގެ ދަރަޖަތައް އެނގޭ މިންވަރު ދެނެގަތުމަށް ކުރި ދިރާސާ އެކެވެ. މި ދިރާސާގެ މައިގަނޑު ބޭނުމަކީ، މާލޭގެ ސާނަވީ މަދަރުސާތަކުގެ ގްރޭޑް 9 ގެ ދަރިވަރުންނަށް ދިވެހި ބަހުގެ ވާހަކަދެއްކުމުގެ ދަރަޖަތައް އެނގޭ މިންވަރު ދެނެގަނެ، އެ އޮޅުންތައް ކުޑަ ކުރުމަށް މަސައްކަތްކުރާ ފަރާތްތަކުން ކުރާ މަސައްކަތައް މަގުފަހި ކޮށްދިނުމެވެ.މ ދިރާސާ ލިޓްރޭޗަރ ރިވިއު އިން ދިވެހިބަހުގެ ވާހަކަދެއްކުމުގެ ދިރަޖަތައް ބޭނުންކުރުމުގައި ސަމާލުކަން ދޭންޖެހޭ ގިނަ ކަންތައްތަކެއް އެނގިގެން ދިޔައެވެ. މިގޮތުން، ބައެއް ބައިތަކަށް ވަރަށް ހަރުދަނާ ޤައާއިދު ތަކެއް ހެދިފައިވާއިރު، ޤަވާއިދު ހަރުދަނާ ކުރަންޖެހޭ ބައެއް ބައިތައްވެސް ހުރިކަން ފާހަގަކުރެވުނެވެ. މި ދިރާސާ ހެދުމަށް ޚިޔާރުކުރީ އެމްޕެރިކަލް ރިސަރޗް ފްރޭމްވަރކެކެވެ. އަދި މި ދިރާސާ ކުރިއަށް ގެންދިޔައީ ކުއަންޓިޓޭޓިވް މެތަޑް ބޭނުން ކޮށްގެންނެވެ. މި ދިރާސާގެ ސާމްޕަލްގެ ގޮތުގައި ނަގާފައިވާނީ، މާލޭގެ ސާނަޥި 5 ސްކޫލެއްގެ ގުރޭޑް 9 ގެ ޖުމުލަ 100 ދަރިވަރުންނެވެ. ދެ ޖިންސް ހަމަހަމަ ވާނޭހެން ރެންޑަމް އުސޫލުން ސްކޫލް ތަކުން ހޮވާލެވުނު ދަރިވަރުންލައްވާ ފުރުވި ސަރވޭ ފޯމުން މަޢުލޫމާތު އެއްކުރެވުނެވެ. މިގޮތުން، ދަރަޖިއިގެ އެކިބައިތައް ދަރިވަރުންނަށް އެނގޭ މިންވަރު ހޯދުނެވެ. އަދި ދަރިވަރުންނަށް ދަރަޖައިގެ އެކި ބައިތައް އެނގޭ މިންވަރުގައި ދެ ޖިންސް ދެމެދު ހުރި ފަރަޤު ފާހަގަކުރެވުނެވެ. މި ދިރާސާއިން ހޯދިހޯދުމުން ފާހަގަކުރެވުނީ، މިދިރާސާގެ ގިނަ ބައިވެރިންނަށް ދިވެހިބަހުގެ ވާހަކަދެއްކުމުގެ ދަރަޖަތައް ބޭނުންކުރަން ރަނގަޅަށް ނޭނގޭކަމެވެ. އަދި މި ދިރާސާގެ ބައިވެރިންގެ ތެރެއިން ދަރަޖަ ބޭނުންކުރަން ފިރިހެން ދަރިވަރުންނަށްވުރެ ބޮޑަށް އަންހެން ދަރިވަރުންނަށް އެނގޭކަން ހާމަވެގެން ދިޔައެވެ. މި ދިރާސާގެ ހޯދުންތަކަށް ބަލާއިރު، ދިރާސާގެ ބައިވއރިންގެ ތެރެއިން 9 އިންސައްތަ ދަރިވަރުންނަށް ދިވެހިބަހުގެ ދަރަޖަތައް ރަނގަޅަށް އެނގެއެވެ. އަދި 42.33 އިންސައްތަ ދަރިވަރުންނަށް މި ދަރަޖަތައް އެނގެނީ "ފުދޭވަރަކަށް" އެވެ. ކުޑަމިންވަރަކަށް އެނގޭ 45.67 އިންސައްތަ ދަރިވަރުން ތިބިއިރު، މި ދަރަޖަތައް އެއްގޮތަކަށްވެސް ނޭނގޭ 3 އިންސައްތަ ދަރވަރުން އެބަ ތިއްބެވެ.Item ދިވެހިބަހުގެ ކަންއިތުރާއި ކަންއިތުރު ބޭނުންކުރެވޭ އުސޫލުތަކަކީ ކޮބާ؟(Faculty of Arts, Maldives College of Higher Education, 2011-11-01) Azma, Mariyam; މަރިޔަމް އަޒްމާމި ދިރާސާއަކީ ދިވެހިބަހުގެ ކަންއިތުރަކީ ކޮބައިތޯއާއި ކަންއިތުރު ބޭނުންކުރެވޭ އުސޫލުތައް ދެނެގަތުމަށް ކޮށްފައިވާ ދިރާސާއެކެވެ. ދިރާސާގެ މަޢުޟޫ ފުޅާކަމާއެކު މިއީ ލިމިޓެޑް ދިރާސާއަކަށް ވާތީ ދިރާސާގެ ފޯކަސް ހިފެހެއްޓުމުގެ ގޮތުން ދިރާސާ ބިނާކޮށްފައިވަނީ ދިވެހިބަހުގެ ތަފާތު ޖޯންރާތަކުން ނަގާފައިވާ 7 ޖުމްލައެއްގެ މައްޗަށެވެ. މޮގޮތުން މި ޖުމްލަތައް ސެންޓެންސް އެނަލިސިސް އާއި ސާވޭގެ ބޭނުންކޮށްގެން ތަހުލީލުކޮށްފައިވާނެއެވެ. ސާވޭ ބޭނުންކުރީ ޖުމްލަތަކުގައިވާ ކަންއިތުރާއި ކަންއިތުރުގެ ބާވަތްތައް ދެނެގަތުމަށެވެ. ސާވޭ އިން ލިބުނު މަޢުލޫމާތުތައް ހޯދުމުގައި ބަޔާންކޮށް ޑިސްކަޝަންގައި އެއާމެދު ވާހަކަދައްކާފައި ވާނެއެވެ. ސެންޓެންސް އެނަލައިސިސް ހަދާފައިވަނީ ކަންއިތުރާއި ކަންއިތުރުގެ ހުރިހާ އުސޫލުތަކެއް ދެނެގަތުމަށް ކޮންމެ ޖުމްލައަކަށް ވަކިވަކިން ގަސްހޫލަ ކުރަހާ ޖުމްލައިގެ ހުރިހާ ބައިތައް ވަކިކޮށް ޤަވާއިދުގެ ގޮތުން ކަންއިތުރުގެ ހުރިހާ ސިފަތަކެއް ހޯދައި ދެނެގަތުމަށްޓަކައެވެ. މި ޖުމްލަތަކުގައިވާ ކަންއިތުރާއި ކަންއިތުރުގެ ބާވަތްތަކާއި ކަންއިތުރު އުފެދޭގޮތް އަދި ކަންއިތުރު ބޭނުންކުރެވޭ ގޮތްތައް ހޯދައި އެބައިތަކާއި ސާވޭއިން ލިބުނު މަޢުލޫމާތާ ދެބައިގެ މައްޗަށް، ޑިސްކަސްކޮށްފައިވާނެއެވެ. މިގޮތުން ލިޓްރޭޗަރ ރިވިއުގައި ކަންއިތުރާ ބެހޭގޮތުން ބަޔާންކޮށްފައިވާ ބަޔާންކުރުންތަކާއި ދިވެހިބަހުގެ ބަހަވީ ޢިލްމުވެރިންނާ އިންޓަވިއުކޮށްގެން ލިބުނު މަޢުލޫމާތުގެ މައްޗަށް ބިނާކޮށް ދިރާސާގެ އަލީގައި ކަންއިތުރާ ބެހޭގޮތުން އެކަށައަޅާ ޤަވާއިދުގައި ހުރި ބައެއް ކަންތައްތަކާއި އަދި އެކަށައަޅާ ޤަވާއިދުގައި ހުރި ބައެއް ކަންތައްތަކާއި އަދި އެކަށައަޅާ ޤަވާއިދުގައި ހިމަނާފައި ނެތް ބައެއް ކަންތައްތައް ހޯދިފައިވާނެއެވެ. މިގޮތުން ދިރާސާއިން ދައްކާގޮތުގައި ދިރާސާގައި ބޭނުންކުރި ހަތް ޖުމްލަގައި ވަނީ ހަތް ބާވަތެއްގެ ކަންއިތުރެވެ. މިގޮތުން މި ކަންއިތުރުތައް ޖުމްލައިގައި ކަމުގެ ކުރިއަށާއި ފަހަތަށް ގެނެވުމުގެ އިތުރުން ބައެއް ފަހަރު ކަންކުރާ ފަރާތާއި ރައްދުވާ ފަރާތުގެ ކުރިއަށާއި ފަހަތަށް ވެސް ގެނެވެއެވެ. އަދި ބައެއް ކަންއިތުރަކީ އެހެން މޯފީމަކާ ނުގުޅި ޖުމްލައިގައި އޮންނަތަނުން އަނެއް ތަނަށް ބަދަލުނުވާ ކަންއިތުރެވެ. މިގޮތަށް ބައެއްފަހަރު ކަންއިތުރު ބަދަލުކުރެވެނީ ކަމަށް ބަދަލެއް ގެނެސްގެންނެވެ. ދިރާސާއިން ފާހަގަކުރެވުނީ ކަންއިތުރު އުފެދޭ ތަފާތު ގޮތްތަކެއް ވެސް އެބަހުއްޓެވެ. މިގޮތުން ކަމުން ނަންއިތުރު ނޫފެދޭ ކަމާއި ކަންއިތުރު އުފެދުމުގެ އަސްލަކީ ނަންއިތުރާއި އަކުރުކަމަށް މި ދިރާސާއިން ފެނިފައިވެއެވެ.