Please use this identifier to cite or link to this item:
http://saruna.mnu.edu.mv/jspui/handle/123456789/1128
| Title: | އިބްރާހީމް ހުސައިން މަނިކުގެ ވާހަކަތަކުގައި ސެންސް ރިލޭޝަން ބޭނުންކޮށްފައިވާ ގޮތް |
| Other Titles: | Ibrahim Hussain Manikuge vaahakathakugai sens rileysh'an beynunkohfaivaa goiy |
| Authors: | ޢާއިޝަތު ބަސީރާ
Baseera, Aishath |
| Issue Date: | 1-Apr-2017 |
| Publisher: | ފެކަލްޓީ އޮފް އާޓްސް، ދިވެހިރާއްޖޭގެ ޤައުމީ ޔުނިވަރސިޓީ
Faculty of Arts, Maldives National University |
| Citation: | ޢާއިޝަތު ބަސީރާ. (2017). ޕްއިބްރާހީމް ހުސައިން މަނިކުގެ ވާހަކަތަކުގައި ސެންސް ރިލޭޝަން ބޭނުންކޮށްފައިވާ ގޮތް. މާލެ، ދިވެހިރާއްޖޭގެ ޤައުމީ ޔުނިވަރސިޓީ.
Baseera, A. (2017). Ibrahim Hussain Manikuge vaahakathakugai sens rileysh'an beynunkohfaivaa goiy. Male', Maldives National University. |
| Abstract: | މި ދިރާސާއަކީ އިބްރާހީމް ހުސައިން މަނިކުގެ ކުރުވާހަކަތަކުގައި ސެންސް ރިލޭޝަން ގެނެސްދީފައިވާ ގޮތް ބެލުމަށް ކުރެވިފައިވާ ދިރާސާއެކެވެ. މި ދިރާސާގެ ސުވާލުގެ ޖަވާބު ހޯދުމަށާއި ދިރާސާގެ މަޤްޞަދު ހާސިލުކުރުމަށްޓަކައި ބޭނުންކުރީ ކޮލިޓޭޓިވް އެޕްރޯޗެވެ. އަދި ބޭނުންކޮށްފައިވާނީ ޑޮކިޔުމެންޓްރީ އެނަލިސިސްއެވެ. އެގޮތުން "އިބްރާހީމް ހުސައިން މަނިކުގެ ކުރުވާހަކަތައް 1، 2" މި ދެފޮތުގައިވާ ވާހަކަތަކުގެ ތެރެއިން 10 ވާހަކަ ހޮވާފައިވާނީ ޕާރޕަސިވް ސާންޕަލްގެ އެހީގައެވެ. އެގޮތުން ވާހަކަތައް ހޮވީ ވަކި ދުވަސްވަރަކަށް ބަލައިފައެއް ނޫނެވެ. ނަމަވެސް ތަފާތު ތީމުތަކަށް ލިޔެފައިވާ ވާހަކަތަކަށް އިސްކަން ދީފައިވާނެއެވެ.
މައިގަނޑު 6 ބާބު އެކުލެވޭގޮތަށް ކޮށްފައިވާ މި ދިރާސާއިން ހޮވާލެވުނު 10 ވާހަކައިގައި ސެންސް ރިލޭޝަންގެ ބައިތަކުގެ ތެރެއިން ސިނޮނީމް، އެންޓޮނީމް، ހައިޕޮނީމް، މެރޯނީމް އަދި ހޯމޮނީމްސް ބޭނުންކުރެވިފައި ވަނީ މުނާސަބު ހާލަތުގައިކަން ފާހަގަކުރެވުނެވެ. އެގޮތުން މީހުންނާއި ދިރުން ހުންނަ ތަކެތީގެ ކިބައިގައިވާ މައުނަވީ ސިފަތަކާއި ތަންތަނާއި މާހައުލާއި އެއްޗެހި އަދި ވަގުތާއި މިންވަރު ބުނެދިނުމުގައި ސެންސް ރިލޭޝަންގެ ބައިތައް މުނާސަބު ގޮތްގޮތަށް ބޭނުން ކޮށްފައިވާކަން މި ދިރާސާއިން އެނގުނެވެ. އަދި ސެންސް ރިލޭޝަންގެ ގުޅުމުގެ ސަބަބުން ބަސްކޮށާރުގެ މުއްސަނދިކަން ދައްކައިދޭކަން ވެސް ހޯދިފައިވެއެވެ. އެހެންނަމަވެސް ހޯމޮނީމްސް ބޭނުންކޮށްފައިވާ މިންވަރު ވަރަށް މަދުކަން ފާހަގަކުރެވުނެވެ.
ޖުމްލަ ގޮތެއްގައި މި ދިރާސާއިން ހާމަވެގެން ދިޔައީ މީހުންނާއި ތަންތަނާއި މާހައުލާއި ތަކެއްޗާއި ވަގުތާއި މިންވަރު އަންގައި ދިނުމުގައި މުނާސަބު ހާލަތުގައި ސެންސް ރިލޭޝަން ބޭނުންކޮށްފައި ހުރިކަމާއި އޭގެ ސަބަބުން ސިފަކުރުންތަކަށް އިތުރު ފުރިހަމަކަމެއް ލިބިގެން ދާކަމާއި ބަސްކޮށާރުގެ މުއްސަނދިކަމެވެ. |
| URI: | http://saruna.mnu.edu.mv/jspui/handle/123456789/1128 |
| Appears in Collections: | އެމް. އެން. ޔޫގެ ދަސްވެނީންގެ ޑިޒަރޓޭޝަންތައް
MNU Dissertations
|
Items in Saruna are protected by copyright, with all rights reserved, unless otherwise indicated.
