MNU Dissertations - އެމް. އެން. ޔޫގެ ދަސްވެނީންގެ ޑިޒަރޓޭޝަންތައް
Browse
2 results
Search Results
Item 1900 މ. އިންފެށިގެން ދިވެހި ބަހުގައި ބޭނުންކުރަމުން އަންނަ ލަފުޒުތަކުގެ ތެރެއިން މާނައަށް ބޮޑެތި ބަދަލުތައް އައިސްފައިވާ ލަފުޒުތައް އެބަހުރިހެއްޔެވެ؟ ހުރިނަމަ އެފަދަ ލަފުޒުތަކުގެ މާނައަށް އައިސްފައިވަނީ ކޮނަކަހަލަ ބަދަލުތަކެއް ހެއްޔެވެ؟(Faculty of Arts, Maldives College of Higher Education, 2011-11-01) Zahiyya, Fathimath; ފާތިމަތު ޒަހިއްޔާމިދިރާސާއަކި 1900މ.އިން ފެށިގެން ދިވެހި ބަހުގައި ބޭނުންކުރެވެމުން އަންނަ ލަފުޒުތަކުގެ ތެރެއިން މާނައަށް ބޮޑެތި ބަދަލުތައް އައިސްފައިވާ ލަފުޒުތައް ހުރިތޯ ބަލައި، އެކަން ދެނެގަތުމަށާއި ހުރިނަމަ އެފަދަ ލަފުޒުތަކުގެ މާނައަށް އައިސްފައިވަނީ ކޮންކަހަލަ ބަދަލުތަކެއްކަން ދެނެގަތުމުގެ ގޮތުން ކޮށްފައިވާ ދިރާސާއެކެވެ. މިގޮތުން މިދިރާސާ ކުރިއަށްގެންދިއައީ ކޮލިޓޭޓިވް ޕެރަޑައިމްގެ މައްޗަށް ބިނާކޮށް އިންޑަކްޓިވް އެޕްރޯޗްއަށެވެ. އަދި ހަމައެހެންމެ، މިދިރާސާއަކީ ޑޮކިއިމެންޓޭޝަން އިންޓަރވިއުގެ އެހީގައި މަޢްލޫމާތު އެއްކޮށްގެން، ތައްޔާރުކޮށްފައިވާ ދިރާސާއެއްވެސް މެއެވެ. ދިރާސާއިން ހޯދި ހޯދުންތަކުގެ މައްޗަށް ބަލާއިރު، 1900މ. އިން ފެށިގެން ދިވެހި ބަހުގައި ބޭނުންކުރެވެމުން އަންނަ ލަފުޒުތަކުގެ ތެރެއިން މާނައަށް ބޮޑެތި ބަދަލުތަކެއް އައިސްފައިވާ 15 ލަފުޒު ފާހގަކުރެވިފައިވެއެވެ. އޭގެތެރޭގައި ހިމެނެނީ މާނަ ފުޅާވެފައިވާ 6 ލަފުޒާއި މާނަ ހަނިވެފައިވާ 3 ލަފުޒެވެ. އަދި އަގު ދަށްވެފައިވާ 4 ލަފުޒާއި އަގު މަތިވެފައިވާ 2 ލަފުޒު ފާހަގަ ކުރެވިފައިވެއެވެ. ހޯދުންތަކުން ފާހަގަކުރެވުނު ލަފުޒުތަކަކީ 'ލިންގްއިސްޓިކް މަރުހަލާ' އާއި 'އެކްސްޓްރާ ލިންގްއިސްޓިކް މަރުހަލާ' ގެ ތެރެއިން، ޑައިކްރޯނިކް (ޒަމާންތަކެއްގެ ތެރެއިން އަދި ސިންކްރޯނިކް (އެދުވަސްވަރެއްގެ އާއްމު ވާހަކަދެއްމުގެ ތެރެއިން ) މާނައަށް ބަދަލުއައިސްފައިވާ ލަފުޒުތަކެއްކަން ފާހަގަ ކުރެވިފައިވެއެވެ. އެހެންކަމުން، ޖުމުލަކޮށް ބަލާއިރު މި ދިރާސާގައި ފާހަގަކޮށަފއިވާ 15 ލަފުޒަކީ ވެސް، ލިންގްއިސްޓިކް ޢިލްމުގައި މާނަ ބަދަލުވުމުގެ މަރުހަލާތަކުގެ ދަށުން، މާނައަށް ބަދަލުއައިސްފައިވާ ލަފުޒުތަކެއްކަން ހޯދުންތަކުން ފާހަގަކުރެވުނެއެވެ.Item ވާހަކަ ދެއްކުމުގައި ބަސް މަސްހުނިކުރުން : ދިވެހި ރާއްޖޭގެ ޤައުމީ ޔުނިވާރސިޓީގެ ދަރިވަރުން ދިވެހިބަހުން ވާހަކަދައްކަމުން ދާއިރު، ދިވެހިބަހާއި އިނގިރޭސި ބަސް މަސްހުނި ކުރާގޮތުގެ ދިރާސާ(Maldives National University, 2014-06-01) Afeef, Hameeza; ހަމީޒާ އަފީފުމި ދިރާސާއަކީ ދިވެހި ރާއްޖޭގެ ޤައުމީ ޔުނިވަރސިޓީގެ ދަރިވަރުން ދިވެހިބަހުން ވާހަކަދައްކަމުން ގެންދާއިރު ދިވެހިބަހާއި އިނގިރޭސިބަސް މަސްހުނިކުރާގޮތް ދެނެގަތުމަށްޓަކއި ކުރެވުނު ދިރާސާއެކެވެ. މި ދިރާސާ މައިގަނޑު ގޮތެއްގައި އަމާޒުކޮށްފައިވަނީ ޤައުމީ ޔުނިވާރސިޓީގެ ދަރިވަރުން ދިވެހިބަހުން ވާހަކަދައްކާއިރު ދިވެހިބަހާ އިނގިރޭސިބަސް މަސްހުނި ކުރާ މިންވަރާއި ބަސް މަސްހުނިކުރުމުގައި ގެންގުޅޭ ލިންގުއިސްޓިކް ހަމަތަކަކީ ކޮބައިކަން ދެނެގަތުމަށެވެ. އަދި ހަމައެހެންމެ ދިވެހިބަހުން ވާހަކަދައްކާއިރު އިނގިރޭސި ބަސް މަސްހުނިކުރާ ސަބަބުތަކަކީ ކޮބައިތޯއާއި އަދި އެކަމާމެދު ދެކޭގޮތްވެސް ދެެނެގަތުމަށެވެ. މި ދިރާސާ ކުރުމަށް ކަނޑައަޅާފައިވާ ސުވާލު ތަހުލީލުކޮށް ދެނެގަނެވިފައިވަނީ މިކްސްޑް މެތަޑް ބޭނުންކޮށްގެންނެވެ. ދިރާސާގައި ބޭނުންކުރި ސާންޕަލް ނަގާފައިވަނީ 3 ގޮތަކަށެވެ. އެއީ ސާރވޭއެއް ކޮށްގެންނާއި އޮބްޒަވޭޝަނާއި ބަސްދީގަތުން ތަކެވެ. އަދި ކޮލިޓޭޓިވް މެތަޑާއި ކޮންޓިޓޭޓިވް މެތަޑް ބޭނުންކޮށްގެން ޑާޓާ ތައް އެނެލައިޒް ކޮށް ހުށަހަޅާއި ދީފައިވާނެއެވެ. ދިރާސާގެ ނަތީޖާއިން ދެއްކި ގޮތުގައި ދިވެހިރާއްޖެ ޤައުމީ ޔުނިވާރސިޓީގެ ދަރިވަރުން އެކުދިންގެ ޢަންމު މުޢާމަލާތު ތަކުގައި، ދިވެހިބަހުން ވާހަކަދައްކާއިރު ވަރަށް ގިނައިން އިނގިރޭސި ބަސް މަސްހުނި ކުރެއެވެ. އަދި ހަމައެހެންމެ މުވާސަލާތީ ވަސީލަތްތަކުގައި ވެސް އިނގިރޭސި ބަހާއި ދިވެހި ބަހުގެ ބޭނުން ހިފަމުން ގެންދާކަން ސާބިތުވިއެވެ. އެހެން ނަމަވެސް ދިވެހިބަހުން ކިޔަވއިދޭ ކޯސްތައް ހާދަ ދަރިވަރުންނަށް ވުރެ ގިނައިން، ވާހަކަދެއްކުމުގައި އިނގިރޭސި ބަހާއި ދިވެހި ބަހުގެ ބޭނުން ހިފަމުން ގެންދާކަން ސާބިތުވިއެވެ. އެހެން ނަމަވެސް ދިވެހިބަހުން ކިޔަވައިދޭ ކޯސްތަކުގެ ދަރިވަރުން ކަން ވެސް މި ދިރާސާއިން ވަރަށް ރަނގަޅަށް ހާމަވެގެން ދިޔައެވެ. އަދި މީގެ އިތުރުން ވާހަކަދެއްކުމުގައި ދިވެހިބަހާއި އިނގިރޭސި ބަސް މަސްހުނި ކުރަނީ އިނގިރޭސިބަހުން ކިޔަވައިދޭ ކޯސްތަކުގެ ދަރިވަރުން ކަން ވެސް މި ދިރާސާއިން ވަރަށް ރަނގަޅަށް ހާމަވެގެން ދިޔައެވެ. އަދި މީގެ އިތުރުން ވާހަކަދެއްކުމުގައި ދިވެހިބާހައި އިނގިރޭސިބަސް މަސަހުނިކުރާ މިންވަރާއި ބަސް މަސްހުނިިކުރާ ސަބަބުތަކާއި އަދި އެކަމާމެދު ދެކޭގޮތްވެސް މި ދިރާސާއިން ހާމަވިއެވެ. އަދި ބަހަވީ ބައިތަކަށް ބާލާއިރު ދިވެހިބާހާއި އިނގިރޭސި ބަސް މަސްހުނި ކުރަމުން ގެންދާގޮތުގެ ޕެޓަރން ތަކެއްވެސް ފާހަގަކުރެވުނެވެ. އެހެންކަމުން މިއީ ދިވެހިރާއްޖޭގެ ޤައުމީ ޔުނިވާރސިޓީގެ ދަރިވަރުން ދިވެހިބަހުން ވާހަކަ ދައްކަމުން ދާއިރު ދިވެހިބަހާ އިނގިރޭސި ބަސް މަސްހުނިކުރާ ތަފާތު ގޮތްތައް ދެނެގަނެވުނު ދިރާސާއެކެވެ. އަދި މި ދިރސާއަަކީ ކުރިމަގުގައި މި މަޢުޟޫއަށްކުރެވޭ ދިރާސާތަކަށް މުހިންމު ގިނަ އާ މަޢުލޫމާތުތަކެއް ލިބިގެންދާނެ ދިރާސާއެކެވެ. އެހެންކަަމުން މިއީ ދިވެހިބަސް ފަދަ ޢިލްމީ ގިނަ ދިރާސާ ތައް ހެދިފައި ނުވާ ބަހަކަށް ނުހަނު ބޭނުންތެރި ދިރާސާއަކަށް ވާނެކަމަށް ދެކެމެެވެ.